वरखेडीजवळ आयशर ट्रक पलटी; गव्हाच्या गोण्यांखाली दबून ५५ वर्षीय हमालाचा दुर्दैवी मृत्यू!

जळगाव जिल्ह्यातील वरखेडीजवळ रेशनिंगचे धान्य घेऊन जाणारा आयशर ट्रक पलटी झाल्याची दुर्दैवी घटना घडली आहे. या भीषण अपघातात ट्रकच्या मागील बाजूस गव्हाच्या गोण्यांवर बसलेले ५५ वर्षीय हमाल संभाजी केरप्पा बाचवे यांचा गोण्यांखाली दबून मृत्यू झाला. ही घटना गुरुवारी दुपारी सुमारे अडीच वाजण्याच्या सुमारास घडली. समोरून येणाऱ्या बसला वाचवण्याच्या प्रयत्नात ट्रक पलटी झाल्याची शक्यता व्यक्त केली जात आहे. मात्र, अपघाताचे नेमके कारण अद्याप स्पष्ट झालेले नाही. पोलिसांकडून पुढील तपास सुरू आहे. या दुर्घटनेमुळे मालवाहू वाहनांमधून कामगारांचा होणारा धोकादायक प्रवास आणि रस्त्यावरील सुरक्षिततेचा प्रश्न पुन्हा ऐरणीवर आला आहे. #JalgaonNews #Pachora #Varkhedi #BreakingNews #AccidentNews #जळगावबातमी #पाचोरा #अपघात #महाराष्ट्रबातम्या